Como ben sabedes, todos os
meses imos pondo no noso taboleiro da lingua (ese que está situado no corredor
central ao lado dunha pequena bruxa) novas relacionadas coa lingua e cultura
galegas. Malia sabermos que, con asiduidade ledes todas as noticias que aí
colga o EDL, queremos que fagades unha pequena tarefa. O mes anterior foron os
de 4º ESO os que traballaron e fixeron unha actividade arredor do taboleiro.
Desta vez, a sorte quixo que lles tocara aos de 1º de ESO. Por iso só tedes que
contestar a esta batería de preguntas que a seguir vos imos indicar e ás que só
lles poderedes atopar resposta coa lectura de todo o que este mes de novembro
se foi pondo no dito taboleiro. Unha vez teñades as vosas respostas, non tedes
máis que entrar en comentarios e indicar o voso nome e curso para así poder nós
cualificarvos axeitadamente.
Ánimo que é un traballo moi
sinxelo!!!!
1.
Que páxina podedes atopar na rede para pescudar sobre xogos populares?
2.
Que gañou Gonzalo Hermo? Copia os versos que vas atopar no taboleiro que son da
súa autoría.
3.
Quen é Ledicia Costas? Que vén de gañar?
4.
Que ocorreu o pasado 20 de novembro?
5.
Que noticia atopas sobre o Día da ciencia en Galego?
6.
De vacas é o fenómeno do que todo o mundo fala nos últimos meses. Por que?
7.
Que lle ocorreu a Xaquín Marín?
8.
Cales son os nomes populares dos dedos das mans?
9.
En que consiste o proxecto Regueifesta?
10.
Que se conta no artigo da Real Academia Galega “O
desafío do primeiro discurso en galego na posguerra”?
11.
Gústache a banda deseñada? Que novo libro acaba de editar Xerais?
12.
Quen é Cristian Silva? Que vai estrear e dar a coñecer no CULTURGAL?
13.
Hai tamén no taboleiro unha recomendación literaria de Antonio García Teijeiro
e Antonio Reigosa. Cal é o seu título?
Se logrades darlles resposta
a todas as preguntas, non temos máis que darvos os nosos parabéns, fostes
capaces de superar este TEST DE
ACTUALIDADE.
