I
CONCURSO DE MICRORRELATOS
Xa levamos un anaco andado do outono e estamos xa no tempo de conmemorar a chegada da caída da folla. Acompañados
de castañas, cogomelos, melóns e produtos típicos desta época do ano, imos
celebrar tamén o Samaín.
Sabedes que, segundo os
nosos devanceiros, a noite do 31 de outubro ao 1 de novembro era a máis
perigosa do ano: as portas do outro mundo abríanse nesas horas e as ánimas eran
quen de vir visitar a parte terreal. Para afastar dos seus castros estas
perigosas ánimas defuntas, adoitaban poñer no alto dos muros as caveiras
iluminadas dos inimigos mortos en campaña.
Pois xa que estamos metidos
neste ambiente tan tétrico, propoñémosvos ao alumnado do 2º Ciclo que participedes na elaboración dun microrrelato terrorífico. Tende en
conta as seguintes bases:
-Os relatos deberán estar escritos en lingua galega, orixinais e
inéditos, e terán unha extensión máxima de 100 palabras escritas a ordenador.
-Para a súa elaboración partirase do cadro
O grito de Eduard Munch.
-Forma de participación: o microrrelato
será asinado cun pseudónimo e irá acompañado dun sobre pequeno onde se indicará
o nome, apelidos e grupo do participante. O sobre, por fóra, levará escrito o
pseudónimo.
-Os sobres entregaranse na secretaría do
centro.
-O prazo para a presentación dos traballos
remata o día 4 de novembro.
-Haberá un único
premio, aínda por determinar, para o gañador do certame. O premio
poderá declararse deserto.
O grito |
Sem comentários:
Enviar um comentário