O novo disco de Berrogüetto xa na biblioteca

Como hai uns días nos prometeron algúns cartos para o ENDL, saímos xa a mercar algúns CD´S e libros- CD novos para ofrecervos na biblioteca.

Xa podedes coller en préstamo cando queirades algunhas das novidades das que vos levamos falado ultimamente:

- O libro de cantigas infantís Tic tac.

- O conto musicado A nena e o grilo.

- O CD Cantigas do camiño, con temas dedicados ao camiño de Santiago dos nosos músicos e grupos máis coñecidos.

- E non podía faltar o último disco dun dos nosos grupos favoritos: Berrogüetto. Chámase Kosmogonías e é un traballo moi coidado, tanto na presentación como na música que contén.

Para que vos animedes a collelo, deixámosvos un vídeo cun tema feito a partir dun poema de Manolo Rivas no que se escoita a voz do novo cantante do grupo, Xabier Díaz, que vén substituír a Guadi Galego. Soa moi distinto, pero moi ben.

Premede e escoitade, a ver que vos parece.