10/10/11

DEITADO NO SOFÁ


Hoxe conmemórase o Día mundial da saúde mental;  "Deitado no sofá" é un microrrelato feito a partir dun texto de Conan Doyle co queremos acordarnos hoxe de tódolos que padecen algunha enfermidade mental.

"Estou deitado no sofá, ao pé da cheminea na que estaba o lume. Teño unha copa na man dereita. Coa man esquerda, caída descoidadamente, acariño a cabeza do meu can... até que descubro que non teño can.
 Levo todo o día aquí deitado, son as seis da tarde e aínda non saín por fóra. Onte a esta hora veu Xosé cun prato na man convidándome a merendar. Dende que cheguei vén tódolos días á mesma hora; despois imos os dous camiñar un pouco polo xardín e ao solpor volvemos para dentro. Chegamos ao cuarto, Xosé despídese de min e marcha. Comézame a vir o sono e decido deitarme no sofá, ao pé da cheminea na que está o lume. Collo a copa na man dereita, coa man esquerda, caída descoidadamente, acariño a cabeza do meu can... até que descubro que non teño can. 
Petan á porta, Xosé vén coa cea. Ábrese a porta; non é el, é o seu compañeiro, o que ten unha bata branca cunha tarxeta que pon "Dr. Paz, psiquiatra"

Lucía Saavedra (4º B)

1 comentário: