'Os mortos van á présa', triunfadora dos 'Mestre Mateo'

A cinta do director Anxo da Cruz obtivo o premio a mellor longametraxe; mellor intérprete masculino protagonista, para Chete Lera; mellor actor de repartición, Xosé Manuel Olveira; e mellor actriz de repartición, Belén Constenla. A estes súmanse os galardóns nas categorías de mellor dirección de produción, dirección de fotografía, maquillaxe e barbería, deseño de vestiario e mellor son. Ademais, na gala, que se prolongou durante máis de dúas horas, resultou premiada como mellor longametraxe de animación 'Pérez 2, o ratiño dos teus soños', de Filmax Animation; e 'Flores Tristes', como mellor longo documental. A mellor película para TV foi 'A Mariñeira'; 'Hai que mollarse' de Bren Entertainment, distinguida como mellor programa de TV; e 'Padre Casares, mellor serie de TV. Pola súa banda, 'Nemo, novo entretemento móbil' foi a mellor obra experimental e 'Afranio', mellor documental.
A lista de premiados complétase con 'Flocos.TV' como mellor obra interactiva; 'Campaña Estrella Galicia Rober Bodegas' como mellor obra publicitaria; 'A princesa Alegría', mellor curta de ficción; 'O pintor de ceos', mellor curta de animación; Curru Garabal, mellor dirección artística por 'A noite que deixou de chover'; Xurxo Coira, mellor montaxe por 'O menor dos males'; mellor música orixinal para 'A noite que deixou de chover'; mellor realización para Xurxo Coira, Carlos Sedes, Manuel Espiñeira e Alex Sampayo por 'Padre Casares'; e Belén Regueira, colaboradora de A Nosa Terra, mellor comunicadora de TV por 'O país dos ananos', que emite TVG.
Opinade!