Máis coplas!

O alumnado da ESO segue facendo coplas de Entroido!
Lede e opinade!
Alumnado 3ºA ESO:

SOIDADES

Como estrañamos aqueles tempos,
os anos que Maruja cociñaba
estaba todo tan ben feito
que ata o caldo nos gustaba.

Xa nada é o que era
as comidas case todas cambiaron,
hoxe tocaron espaguetes
e nin salsa nos botaron.

As croquetas están moi boas
pero comparándoas coas de antes,
as que nos reparten agora pouco máis son ca guisantes.

O único que mellorou
foi o pan e os manteis
está todo tan refinado
que parecen mesas de hoteis.


Alumnado 4ºA ESO:

NON CHEGA A HORA

Chego á escola
sen ganas de nada,
esperando a hora
de comer a empanada.

Pero eses días
son os menos,
porque poñen xudías
e caldo de grelos.

Volvo para a casa
cheo de fame,
chéirame a masa
e o forno non abre.

Miña avoa dime
que o forno está quente,
pero o estómago pídeme
o mesmo que a mente.

Ó final
abre o forno,
saíulle moi mal
e a cear leite morno


NON ME DOU POR VENCIDO

Toca ximnasia
e Pancho non veu,
xa pode ir en Asia
cada un mira o seu.

Temos un problema,
o pavillón está inundado
o que fixo o teorema
parecía un parado.

Alí pódese nadar
e tirarse do trampolín
pero non se pode andar
nin xogar ó fultbolín

Estamos en crise
e non se pode arranxar
o encargado diso
podía ir de vagar.

Vou marchar da escola
e vai quedar así
Lucinda dáballe coa fregona
a pobre non deu máis de si.


O PAVILLÓN

Hoxe chove non moi forte
e o ximnasio está mollado
chova, vente ou quente o sol
isto sempre está empapado.

Tócanos ximnasia agora
soa o timbre e alá imos
imos todos os de cuarto
a ver o que alí atopamos.

Do teito caen goteiras,
o chan está levantado
aquí non podemos dar clase
isto está en moi mal estado

Poceiras bastante grandes,
pavimento inservible,
practicar a natación
aquí ata é posible

E DURA, E DURA...

O peor
é o horario
despois do comedor
volve o calvario

Os do instituto de oito a dúas
e non se queixan de nada
que lles aproveiten as súas
pedazo madrugada.


E alá imos os da Silva
correndo ata o pavillón
coma nos últimos meses
pasando frío un montón.

CHOVE NO XIMNASIO

Agora temos dous por un
ximnasio con piscina incluída
pero se o ven daranse conta
de que é peor ca unha ruína.

Pode parecer que dicimos trolas
pode parecer unha gran mentira
pero realmente o ximnasio está
moito peor do que imaxinan.

Onde facemos deporte agora
semella ser un frigorífico
o frío entra nos pulmóns
e colles un catarro magnífico.
XIMNASIO

Hoxe tócanos ximnasia,
ata aí quería chegar
porque do noso ximnasio
teño moito que falar.

Sempre cando chove
ata o polideportivo hai que andar
pois durante o camiño
témonos que mollar.

Primeiro unhas goteiras
iso pra empezar
pero dende aquel día
isto é un non parar.

Xa estamos fartos
de alí non poder xogar
iso parece unha piscina
na que nin se pode nadar.

Leva moito tempo
e ninguén vén mirar
por favor axudade
aínda imos afogar.

Alumnado de 4º A

O XIMNASIO

“Hai falta de traballo”
quéixanse os da construción
que se pasen pola Silva,
que aquí gañan uns millóns.

Repito unha vez máis
iso parece unha piscina
o chan está perdido,
Parece un campo de minas!

Tanto monta monta tanto
tres pingueiras e un buraco
non facían iso todo
nin 2 500 ratos.

No inverno: calefacción,
e na clase un acora
pero vaste ó ximnasio
e chove tanto coma en fóra.


Alumnado de 4º B

A CRISE

A crise chéganos a todos
este ano a cousa vai mal
ti mira, en vez de ximnasio
temos unha piscina descomunal.

Estamos nun estado de dereito
din que temos liberdade de expresión
pero despois miran en Internet
E bérrannos polos fotologs.



O ximnasio está mollado
máis que gotas caen chorros,
parece iso unha piscina:
imos ter que traer gorro!

Cando chove cae auga,
e o ximnasio está empapado
a culpa tena toda
esa caca de tellado.

O piso do ximnasio
está moi moi mal
“pa” secalo non chegaban
toallas de Portugal.

Aquilo está inutilizable
e ninguén move un dedo
para que o veñan arrranxar
ai Meu Deus, reza un Credo!




A PISCINA

Nesta escola
piscina non queremos,
por que?
porque diso xa temos.

O que non temos é un ximnasio
pero si o queremos
pois onde senón,
ximnasio faremos.