Mike Stetson, empresario arxentino: “A xente sinte a lingua”

As súas camisetas, híper galegas, dan a volta ao mundo
.
O empresario arxentino Mike Stetson fixo das camisetas con “deseño galego” unha das iconas do top ten do recordo turístico compostelán. A conxugación de “falar galego” ou a imaxe de Audrey Hepburn gozando dun chocolate con churros nun “remedo” de Breakfast at Tiffany’s traspasou fronteiras.É posible atopar a persoas que as locen dende as avenidas de Nova York ás rúas de calquera cidade de Nova Zelandia. Este “souvenir diferente”, dixo, agarda aos turistas no seu Taller das Meigas, repartido en dúas das prazas máis emblemáticas da zona vella de Santiago, Cervantes e O Toural.Lede a entrevista que se lle fai no Xornal de Galicia.
E opinade!