A Escola de Idiomas de Ponferrada aumenta a oferta de galego ante a demanda

Desde o 21 deste mes até o 29 de abril, a Escola Oficial de Idiomas de Ponferrada ofrece un curso intermedio de lingua galega por mor da alta demanda de alumnos que o solicitan.
. A crecente demanda de persoas que queren aprender galego en Ponferrada propiciou que a Escola Oficial de Idiomas ampliase a súa oferta en lingua galega. O novo curso, que comeza o 21 de xaneiro, está destinado a todas aquelas persoas interesadas en ampliar os seus coñecementos en galego. O número de prazas é de 20 e terá unha duración de 50 horas en modalidade de clases presenciais.