Para grandes e pequenos. Porque no nadal non todo van ser panxoliñas, os pequenos pódedeslle pedir aos reis música dos Bolechas. Xa está ao voso dispor nas librerías Os Bolechas fan unha banda, o primeiro
libro-disco que publica a popular saga creada por Pepe Carreiro que se presentou estes días en Vigo. O
libro-disco segue o ronsel do Xabarín Club e reúne a dez coñecidas bandas
e artistas galegos, como The Homens, Aid, Eladio y Los Seres Queridos
ou Transilvanians.
E os máis maiores podemos facernos con Corasóns, un libro-cd-dvd que reúne fotografías, músicas e un completo traballo audiovisual sobre o proxecto que, baixo a dirección de Uxía, reúne un feixe de destacados intérpretes galaico-lusófonos, como Carlos Blanco, Magín, Nayla Shami, Sérgio Tanus... Cunha coidada edición e produción, CORASONS estará dispoñible en toda a Península.
Por certo, a súa presentación terá lugar no Culturgal (Pazo da Cultura de Pontevedra) o sábado, 30 de novembro; unha boa suxestión para a fin de semana.
Por certo, a súa presentación terá lugar no Culturgal (Pazo da Cultura de Pontevedra) o sábado, 30 de novembro; unha boa suxestión para a fin de semana.
Sem comentários:
Enviar um comentário